Marco Van Basten ka dhënë një intervistë të gjatë për Corriere dello Sport dhe legjenda holandeze e Mi,anit ka folur për shumë tema. Ai është ngacmuar edhe në lidhje me krahasimet që bëhen shpesh mes Cristiano Ronaldos dhe Lionel Messit.
Ish-futbollisti i kuqezinjve e vlerëson portugezin për cilësitë që ka, por thekson se ata që thonë se ai është më i mirë se Messi, as që marrin vesh nga futbolli. Van Basten e thotë hapur dhe nuk i druhet faktit që kjo deklaratë mund të hapë polemika.
“Cristiano Ronaldo është një lojtar i shkëlqyer, por kur thotë që është më i mirë se Messi nuk merr vesh nga futbolli. Messi është ai lloj lojtari që është e pamundur të imitohet dhe të përsëritet. Një lojtar si ai vjen një herë në 50 ose 100 vite”, ka thënë holandezi mes të tjerash. /abcnews.al
