Ish-sulmuesi i njohur italian, Christian Vieri, ka thënë se Ronaldo Fenomeni, ishte futbollist më i mirë se Cristiano Ronaldo. Në një intervistë të dhënë së fundmi, Bobbo i thuri elozhe ish-bomberit brazilian, ndërsa për Cristiano Ronaldon, bëri disa krahasime epike.
“Jam shok me Ronaldo Fenomenin dhe jam shumë i lumtur që kam luajtur me të në një skuadër”, tha Vieri për DailyMail. “Ai i kishte të gjitha, i shpejtë, shpërthyes dhe i fuqishëm. Dukej si një kërcimtar, një kërcimtar që kërcente me topin. Mund të them se Fenomeni ishte më i mirë se Cristiano Ronaldo.
CR7 është një makinë lufte, është për tu admiruar gjithçka çfarë ka bërë. Ai mund të luajë deri 40 vjeç, me cigare në gojë, siç thonë në Itali. Cristiano ka një fizik si të ishte skulpture gdhendur në përsosmëri”, u shpreh Vieri./abcnews.al
