Sulmuesi i Juventusit, Cristiano Ronaldo, beson se mund ta fitojë Champions League këtë sezon. Portugezi i cili po kalon një moment shumë të mirë, deklaron se gjithçka është e hapur dhe se Juvja synon suksesin në Europë.
“Juventus më jep shansin që unë mund ta fitojë sërish Champions-in. E dimë që nuk është e lehtë, pasi varet nga shumë faktorë, por ne jemi një ekip shumë i mirë dhe mund t’i shkojmë deri në fund. Duhet t’i marrim ndeshjet një nga një dhe të jemi të përqendruar”, deklaron Ronaldo për “Canal 11”.
Ylli portugez festoi ditën e djeshme 35 vjetorin e lindjes dhe ai e pranon se kurrë nuk e kishte imagjinuar që do ishte kaq i suksesshëm. “Mendoja se do të ngecja në Madeira. Unë ëndërroja të bëhesha një futbollist, por kurrë nuk e kisha imagjinuar se do arrija të fitoja gjithçka.
Goli më i bukur? Nuk është e lehtë për të zgjedhur një, por golat me roveshatë janë gjithmonë më të bukurit”, mbyll sulmuesi. /abcnews.al
