Ankthi dhe stresi nga Covid kanë shkaktuar te shumë persona të infektuar, pagjumësi. Mjekja neurologe Entela Basha shpjegon se pagjumësi mund të vazhdojë deri në 3 muaj pas negativizimit.
“Moshat variojnë, nga të rejat deri te të vjetrat. Kështu që nuk mund të them saktësisht se kush është grupmosha që ankohet më shumë.”
Trajtimi i pagjumësisë nuk është i thjeshtë. Mjekja thotë se në shumë raste medikamentet nuk janë funksionale.
“Mjekohet mirë, ka një grup të madh medikamentesh. E rëndësishmja është gjetja e shkakut të pagjumësisë.”
Pagjumësia nuk është sëmundje, dhe kjo e bën më të vështirë trajtimin nga ana e mjekëve për shkaqet. Thonë se ajo lidhet me shumë sëmundje të tjera të cilat duhen diagnostikuar. /abcnews.al
