U duk se dy golat e Lautaro Martinez i siguruar një fitore të thjeshtë Interit, por nuk ndodhi kështu. Spal reagoi, gjeti golin në fillim të pjesës së dytë dhe minutat e fundit krijuan panik te zikaltrit. Ekipi i Antonio Contes festoi në fund dhe tani kryeson Serie A.
Trajneri i Interit foli pas ndeshjes për Sky Sport. Conte i bën “presion” Juventusit, vlerëson kampionatin që po zhvillojnë djemtë e tij, teksa bën thirrje që të menaxhohen më mirë ndeshje delikate si kjo e sotmja.
“Që prej ditës së parë po punojmë për të shqetësuar Juventusin. Mendoj se po bëjmë një punë të shkëlqyer, por kanë kaluar vetëm 14 javë. Ky fakt duhet të na mbushë me krenari dhe kënaqësi. Duhet të kemi një entuziazëm pozitiv dhe t’i menaxhojmë më mirë ndeshjet si kjo e sotmja.
Kur një skuadër e fortë si Juventusi humbet pikë, ne duhet të jemi gati për të përfituar. Gjithsesi, duhet të merremi me veten tonë dhe të vazhdojmë procesin e rritjes. Merkato? Preferoj të flas për atë që po bëjnë djemtë në fushë, mendon klubi për merkaton“, përfundon Antonio Conte. /abcnews.al
