Trajneri i Interit, Antonio Conte, ka thurur elozhe për lojën e Lazios, duke thënë: “Lazio do të jetë një nga pengesat më të ndërlikuara që nga fillimi i sezonit. Unë e konsideroj Inzaghin një trajner shumë të mirë, madje të nënvlerësuar. Lazio mbajti elementet më të forta në ekip, duke paraqitur projektin e tyre të shkëlqyeshëm.”
JUVENTUS – “Ne duhet të luajmë ndeshje pas ndeshje, duhet të përqendrohemi te ndeshja kundër Lazios, që do të jetë e vështirë. Vitet e fundit, ata gjithmonë kanë luajtur një rol kryesor , duke pasqyruar punën e mirë të Lotito, Tare dhe Inzaghi”./abcnews.al
