Trajneri i Interit, Antonio Conte, foli për mediet italiane pas fitores kundër Genoas. Strategu i zikaltërve i thuri elozhe të tijve për rezultatin e arritur, si dhe pranoi se do ta ndihmojë sa më shumë të riun Esposito.
“Ne kurrë nuk duhet të ndalemi e të ngremë dyshime mbi punën tonë. Nëse kemi 42 pikë në Krishtlindje, kjo është falë punës që po bëjmë dhe profesionalizmit të këtyre futbollistëve që po japin gjithçka për Interin.
“Ishte një performancë shumë e mirë, edhe pse shumë lojtarë mungonin. Merkato? Nëse do të flas për merkaton e janarit tani, do të tregojë mungesë respekti për këta lojtarë që po japin gjithçka. Tani ne duhet të vazhdojmë me të njëjtin ritëm, ky është objektivi këtë sezon. Nuk ishte e lehtë sot, megjithëse e bëmë të dukej e lehtë.
Është një rrugë e vështirë, ne duhet të mbajmë këmbët në tokë, por gjithashtu mund të shijojmë këtë renditje me 42 pikë. Tani djemtë mund të pushojnë për tetë ditë”.
Esposito? “E pashë atë në një stërvitje që para se të fillojë sezoni dhe ai thjesht dukej si një fëmijë i vogël. Ai është rritur shumë gjatë dy muajve të fundit, ka një të ardhme të shkëlqyer përpara. Unë do të ndihmoj ta mbaj atë në rrugën e duhur.”/abcnews.al
