Inter-Milan mbetet gjithmonë një përballje spektakolare, pavarësisht se luhet për kampionat apo ndonjë kompeticion tjetër. Dy skuadrat e Milanos do të ndeshen nesër në mbrëmje mes tyre për një biletë në gjysmëfinalet e Kupës së Italisë.
Trajneri i ekipit zikaltër, foli rreth duelit me ekipin e Piolit. Kuqezinjtë i vlerëson, teksa pret që ekipi i tij të luajë një ndeshje perfekte, pasi vetëm kështu arrihet fitorja dhe kalimi në raundin tjetër.
“Nesër është në lojë kualifikimi në gjysmëfinalet e Kupës së Italisë. Kemi respekt të madh për këtë kompeticion. Ndaj Milanit pres të luajmë një ndeshje të madhe skuadre, vetëm kështu fitojmë.
Lautaro? Ka shumë momente fatlume, por edhe më pak të tilla në futboll. Sulmuesit kanë nevojë të sakrifikojnë gjithmonë dhe të luajnë me vetëmohim. Si Lautaro dhe Lukaku e bëjnë një gjë të tillë gjatë gjithë ndeshjes.
Ibrahimovic? Zlatan është një futbollist shumë i rëndësishëm, por Milani nuk është vetëm ai. Derbin e kaluar e pamë veten shumë shpejt në disavantazh të dyfishtë.
Nesër duhet të jemi më cinikë dhe të vendosur. Milani është një skuadër e formuar nga futbollistë të fortë dhe shumë të aftë teknikisht“, theksoi trajneri i Interit. /abcnews.al
