Trajneri i Interit, Antonio Conte, ka folur për titullin kampion në Serie A, duke thënë se Juventus dhe Napoli janë më të favorizuar se zikaltërit e tij.
Interi ishte i pamposhtur në Serie A deri në fundjavën e kaluar dhe kishin fituar të gjitha ndeshjet e tyre në kampionat. Në një intervistë që Conte dha në Trento Sport, ai tha: “Unë mendoj se duhet të jesh i sinqertë dhe të shikosh realitetin. Unë u shpreha që nga fillimi, krahasuar me ne ka dy ekipe, Juventus në krye dhe pastaj edhe Napoli, ekipe të cila janë ndërtuar shumë më përpara nesh.
“Ky hendek mes skuadrave ekziston, por ne kemi filluar një projekt që synojmë ta përmbushim me anë të punës dhe seriozitetit për të përparuar. Nga kjo pikëpamje, ne duhet të jemi të guximshëm duke pasur një vizion të qartë për të tashmen dhe të ardhmen”, përfundoi Conte./abcnews.al
