Në Itali janë të sigurt: Interi dhe Antonio Conte do të ndahen brenda 48 orëve. Klubi zikaltër është me shpatulla për muri prej situatës së rënduar financiare dhe po tentohet të mbyllet sezoni me 100 milion euro fitime.
Trajneri italian ka ambicie, kurse Interi nga ana tjetër duhet të ulë kostot. Pagat do të shkurtohen me 15-20% dhe Conte nuk është shumë dakord me politikat e reja të klubit, për më tepër që mund të detyrohen të shesin ndonjë yll të ekipit.
Gazzetta dello Sport shkruan se dy vite më parë Interi e bindi Conten me një tjetër projekt dhe gjithë këto ndryshime bëjnë që palët të jenë larg.
Palët kanë një marrëveshje për një sezon dhe mund të bien dakord që ta ndërpresin kontratën, ndërkohë që në llogarinë e trajnerit do të transferoheshin 6 milion euro, gjysma e pagës që do të përfitonte nga sezoni i ardhshëm. /abcnews.al
