Antonio Conte e ka nisur në mënyrë të shkëlqyer aventurën e tij në krye të Interit. Pasi mposhti edhe Sampdorian në transfertë, tekniku zikaltër foli për mediat, ku u shpreh:
“Unë jam i kënaqur me performancën dhe fitoren. Pjesa e parë përfundoi me ne duke fituar 2-0, por mund të kishim shënuar më shumë. Ne shënuam golin e tretë pavarësisht se ishim me një lojtar më pak.
“Jam i lumtur me mënyrën se si djemtë e interpretuan ndeshjen. Ne po dominonim lojën dhe tani do të shijojmë fitoren, por duhet të përgatitemi menjëherë për udhëtimin në Barcelonë. Vetëm koha do të tregojë se si do të duket rrugëtimi ynë dhe ambiciet që kemi”, përfundoi Conte./abcnews.al
