Presidenti i Fiorentinës, Rocco Commiso, ka folur për DAZN pas humbjes 4-3 ndaj Interit, një sfidë që pa përmbysje pas përmbysje. Në fund, ishin zikaltërit që triumfuan dhe sipas Commisso, Conte ka ekipin më të fortë në Itali.
“Ky është futbolli, fiton dhe humb në pak minuta. Inter ndoshta është skuadra më e mirë e Italisë, rezultati duhet pranuar. Jemi të rinj, mendoj se jemi më të fortë se vitin e kaluar. Dje meritonim të paktën barazimin. Ribery ka qenë i detyruar të dalë, edhe Chiesa: gjëra që ndodhin.
A do të qëndrojë Chiesa? Të shohim. Gjithçka është e mundur në javën e fundit të merkatos. Fiorentina duhet të vazhdojë përpara me objektivat e saj për të rritur të ardhurat dhe të ndërtojë stadiumin. Fat të mbarë neve dhe Interit, kanë luajtur mirë”, përfundoi Commisso./abcnews.al
