Njerëzit kërkojnë dashurinë tek i njëjti lloj personi pa pushim. Kjo tregon një studim të ri nga psikologët socialë në Universitetin e Torontos, të publikuar në Proceedings of the National Academy of Sciences.
“Është e zakonshme që kur një lidhje përfundon, njerëzit ia marrin përgjegjësinë për ndarjen ish-partnerit të tyre dhe vendosin se duhet të takojnë një lloj tjetër personi. Megjithatë, hulumtimi ynë tregon se ka një tendencë të fortë për të zgjedhur sërish njerëz me personalitet të ngjashëm”, tha Dr. Yoobin Park, autori kryesor i studimit.
Duke përdorur të dhëna nga një studim i vazhdueshëm shumëvjeçar mbi çiftet dhe familjet, Dr. Park dhe kolegu i tij Geoff MacDonald krahasuan personalitetet e partnerëve aktualë dhe të mëparshëm të 332 personave. Gjetja e tyre kryesore ishte ekzistenca e një ngjashmërie të jashtëzakonshme në personalitetet e partnerëve të individëve.
“Efekti është më shumë se një tendencë për t’u takuar me dikë të ngjashëm me ne,” thotë Dr. Parku.
Analiza e studiuesve tregoi se partnerët aktualë të pjesëmarrësve e përshkruanin veten në një mënyrë të ngjashme me ish-partnerët e tyre.
“Shkalla e konsistencës nga një marrëdhënie në tjetrën tregon se njerëzit ndoshta kanë një ‘lloj’ preferencash kur bëhet fjalë për zgjedhjen e një partneri,” thotë Dr. MacDonald. “Edhe pse të dhënat tona nuk sqarojnë pse partnerët që zgjedhim kanë personalitete të ngjashme, vlen të përmendet se këto ngjashmëri vërtetohen nga vetë partnerët”.
“Studimi ynë ishte shumë i plotë sepse nuk u mbështetëm vetëm në kujtimet e njerëzve për personalitetin e partnerëve të tyre, por kishim raporte në kohë reale nga vetë partnerët tanë”, thotë Dr. Parku.
Sipas studiuesve, gjetjet ofrojnë mënyra për të mbajtur marrëdhënie të shëndetshme dhe çifte të lumtura.
“Në çdo marrëdhënie, njerëzit mësojnë strategji për të punuar me personalitetin e partnerit të tyre. “Nëse personaliteti i partnerit tuaj të ri është i ngjashëm me atë të ish-it, ju jep mundësinë këtë herë të filloni një marrëdhënie të re me një themel të mirë”, thotë Dr. Parku./abcnews.al
