Erëra që arrijnë deri në 205 kilometra në orë dhe më shumë se një milion persona të evakuuar. Cikloni Fani ka mbërritur në bregun lindor të Indisë me reshje të dendura dhe erëra të forta.
Deri tani janë konfirmuar dy viktima. Rreth 1.2 milion persona janë evakuuar nga zona në rrezik në shtetin e Orisës. Cikloni ka goditur sidomos qytetin turistik Puri, ku sipas parashikimeve erërat do të jenë të forta për disa orë.
Shumë zona janë përmbytur, shumë shtëpi janë shkatërruar, me mijëra pemë janë rrëzuar, por dhe shtylla të energjisë elektrike. Cikloni Fani po spostohet drejt brigjeve të Bangladeshit./ABC News Albania 24/7
