Loading ...
Kombëtarja shqiptare ka mbërritur ditën e djeshme në Uells, ku ka nisur përgatitjet për ndeshjen me ishullorët në Kardif. Ditën e sotme në konferencë për mediet foli Solkol Cikalleshi.
Sulmuesi i Konyaspor në Turqi foli për ndeshjet e ardhshme dhe të ardhmen e tij, ku nuk përjashtoi ndonjë lëvizje, pavarësisht se ka kontratë edhe një sezon me turqit.
NDESHJET – “Duke parë sezonin e gjatë prej pandemisë dhe ndeshjet e ngjeshura, ka qenë një sezon i gjatë për të gjithë, por tani ka kaluar dhe jemi fokusuar te ndeshjet e Kombëtares. Sigurisht që ne nuk i konsiderojmë si miqësorë, por ne do të provojmë veten përpara provës së zjarrit që kemi në shtator. Janë dy ekipe që kanë shkuar në Europian dhe janë të nivelit me kundërshtarët që kemi në grup. Ne do provojmë veten dhe bashke me trajnerin do mundohemi të bëjmë më të mirën”.
FORMA – “Ndodhemi në një moment delikat, vijmë nga Nations League ku patëm sukses dhe dolëm të parët, tani kemi provën tjetër më të madhe. Tani jemi të fokusuar dhe nuk i cilësojmë si ndeshje miqësore”.
FORMACIONI – “Skemat i përkasin trajnerit. Ai e di më mirë dhe bën zgjedhjet më të mira në bazë të kontingjentin që ka. Skema jonë është 3-5-2 sepse kemi luajtur në shumë ndeshje dhe ndaj Anglisë, nuk besoj se do të ketë shumë ndryshime, por lojtarët duhet të japin më të mirën”.
AKTIVIZIMI – “Patjetër që çdo ndeshje është e rëndësishme pavarësisht kundërshtarit dhe rëndësisë së ndeshjes, për mua dhe çdo lojtar këto ndeshje janë shumë të rëndësishme. Sokoli dhe të tjerët janë të gatshëm kur luajnë dhe kur nuk luajnë. Kombëtarja nuk është vetëm kur luan. Un jam këtu gati, për të shënuar dhe për të ndihmuar skuadrën, tani të shohim”.
UELLSI – “Nuk dua të them që Uellsi është skuadër e lehtë, sepse është skuadër që ka shkuar në Europian dhe është në një nivel me kundërshtarët, që do të kemi përballë në shtator. Për momentin ndodhet më lart se ne dhe jemi koshient, por duhet të jemi të përqendruar. Përqendrimi dhe saktësia përballë këtyre kundërshtarëve na bënë neve më qëndrueshëm në vazhdim”.
E ARDHMJA – “Kam dhe një vit kontratë me Konyaspor, kam mbyllur një sezon të mirë, do ta respektoj kontratën deri në fund. Në qofte se ka ndonjë opsion të mirë, normal do ta shqyrtoj deri në fund.
Deri tani është herët për të folur për transferta, dua të bëj më të mirën me Kombëtaren, pastaj kemi disa pushime, por jam me këmbë në tokë, jam i qetë. Në momentin që vijnë gjëra më të mira do ta shqyrtoj patjetër”, u shpreh Cikalleshi. /abcnews.al
