Të ardhurat që blogerët gjenerojnë nga rrjetet sociale kapin shifra marramendëse, dhe këtë e kanë dëshmuar së fundmi një çift i njohur, të cilët kanë arritur të blejnë shtëpinë e ëndrrave miliona dollarëshe.
Jack Morris 29 vjeç nga Britania e Madhe dhe partnerja e tij australiane Lauren Bullen, 27 vjeçe, të cilët ndiqen nga milion njerëz në Instagram, përmes të ardhurave të gjeneruara nga ky rrjet social, kanë blerë një vilë super luksoze.
Çifti tregoi se arritën ta blejnë vilën përmes marrëveshjeve të sponsorizimit dhe reklamimit të markave në Instagram, për të cilën kanë shpenzuar 1.2 milion dollarë.
“Ne nuk kemi prindër të pasur. Vijmë nga familje me të ardhura mujore normale. Ne kemi fituar para vetëm përmes rrjeteve sociale. Ne bashkuam të ardhurat tona dhe blemë këtë shtëpi. Vërtetë mahnitëse apo jo”, u shpreh Jack. /abcnews.al
