Giorgio Chiellini po i mungon Juventusit gjatë kësaj periudhe. Mbrojtësi qendror ditën e sotme është shfaqur në stadiumin e bardhezinjve dhe ka folur për mediat, duke pranuar që ka qenë tifoz i Milanit. Atij nuk i mungojnë as batutat, teksa ka deklaruar se duke u bërë më i zgjuar u kthye me Juventusin.
“Isha një tifoz i Milanit, fatkeqësisht, dhe nga atëherë u bëra më i mirë. U bëra i zgjuar duke u rritur. Maldini ishte lojtari im i preferuar”, zbulon Chiellini, i cili nuk përfundon me kaq. “Kam një vëlla binjak, ai ishte tifoz i Juventusit dhe duhet të isha kundër tij, me Milanin”, shtoi mbrojtësi italian.
“A mund ta imagjinoni sa i lumtur ishte ai kur Juventusi më bleu mua kur isha 20 vjeç? Kur u transferova këtu menjëherë u dashurova me klubin dhe tani është e vështirë të gjesh në rruzullin tokësor një tifoz më të madh të Juves se sa unë”, rrëfen Chiellini.
Ndër të tjera, mbrojtësi ka treguar edhe sulmuesit më të fortë me të cilët është përballur: “Përveç Ronaldos dhe Messit, të cilët janë jashtëtokësorë të dy, gjithmonë e kam thënë se është Ibrahimovic. Ai kishte forcë fizike, teknikë dhe personalitet. Kam pasur fatin të luaj me të dhe kundër tij”. /abcnews.al
