Një studim ka treguar se gratë kalojnë mesatarisht 600 minuta në celular çdo ditë krahasuar me 459 minuta nga burrat, sipas Bright Side. Sidoqoftë, koha që kaloni në telefon nuk ka të bëjë vetëm me numrat, pasi përdorimi i tij mund të zbulojë shumë për personalitetin tuaj.
Kur kontrolloni shumë shpesh telefonin
Varësia ndaj telefonit tuaj mund të nënkuptojë një nivel impulsiviteti. Një studim ka treguar se njerëzit e varur nga telefonat e tyre mund të jenë më emocionalë sesa ata që i përdorin më rrallë.
Kur nuk e përdorni shumë telefonin
Sipas një studimi, njerëzit që i përdorin telefonat më shpesh kanë nivele më të larta stresi. Dhe kjo i bën ata të ndihen më pak të kënaqur me jetën e tyre. Përkundrazi, mosvarësia ndaj telefonit mund të parandalojë që kjo të ndodhë.
Kur kaloni më shumë se një orë në telefon
Mund të jetë një tregues i depresionit, tregon një studim. Kohëzgjatja e përdorimit të telefonit shoqërohet me nivele më të mëdha të simptomave depresive.
Kur e përdorni telefonin pas mesnatës
Një studim tregoi se njerëzit që përdorin telefonat e tyre shpesh pas mesnatës kanë më shumë gjasa të bëjnë një gjumë më të dobët. Dhe kur mungesa e gjumit ndikon në gjendjen shpirtërore, njerëzit bëhen më nervozë dhe të shqetësuar.
Kur prisni ta përdorni telefonin derisa të karikohet
Kjo sjellje është një parashikues i tendencave organizative. Njerëzit e ndërgjegjshëm nuk iu pëlqen kur bateria është e ulët dhe ata me një nevojë më të lartë për rregullsi, zakonisht presin që telefoni të karikohet mbi 60 përqind.
Kur bëni dhe merrni shumë telefonata
Studimet kanë treguar se njerëzit më të hapur priren të bëjnë më pak telefonata se të tjerët. Përkundrazi, njerëzit ekstrovertë bëjnë dhe marrin telefonata më shpesh. /abcnews.al
