Jemi mësuar të mendojmë se kujdesi i mirë për lëkurën, do të thotë të kesh një lëkurë të pastër. Sidoqoftë, pastrimi i trupit nga koka te këmbët me sapun, mund t’ju bëjë më shumë dëm sesa mirë për shëndetin dhe pamjen. Edhe pse sapuni ka aromë të mirë, sërish nuk është i dobishëm për lëkurën.
Lëkura juaj do të ndihet më e shëndetshme
Larja me vetëm ujë do të ekuilibrojë shtresën mbrojtëse të lëkurës. Ndërsa sapuni në mënyrë efektive largon papastërtitë, ai gjithashtu pastron trupin nga vajrat natyralë të sekretuar nga lëkura juaj. Përdorimi i rregullt i parfumit prish ekuilibrin e pH të lëkurës tuaj, duke e lënë atë të thatë dhe të irrituar.
Nuk do të përjetoni aroma trupi
Dushi me sapun ju mban të freskët për një kohë të shkurtër, sepse në thelb e bën lëkurën më të prekshme nga bakteret. Përbërësit e ashpër të sapunit prishin ekuilibrin midis vajrave të lëkurës dhe baktereve që jetojnë në lëkurën tonë, gjë që bën që lëkura të prodhojë edhe më shumë vaj dhe baktere. Sapunët antibakterialë janë veçanërisht të dëmshëm pasi shkatërrojnë mikrobet e dobishme së bashku me ato të dëmshme.
Do të mbajë pjesët tuaja intime të shëndetshme
Larja me sapun rregullisht mund të thajë zonën gjenitale e cila mund të çojë në probleme të caktuara shëndetësore. Është më mirë të përdorni ujë të ngrohtë për të larë pjesët tuaja intime, ose ujë të nxehtë kur duhet të hiqni aromat.
Lëkura juaj mund të qëndrojë pa rrudha për më gjatë
Ndërsa shumë përbërës që gjenden në sapun kanë për qëllim ta lënë lëkurën tuaj të pastër dhe të freskët, ato në fakt mund të shkaktojnë më shumë dëm sesa dobi. Në fakt, ato mund të dëmtojnë veshjen e acidit të lëkurës tuaj, e cila nga ana tjetër mund të përkeqësojë shumë gjendje të lëkurës, si puçrrat dhe dermatitet. Larja me sapun e than lëkurën tuaj, e cila mund të çojë në rrudha.
Mund të zvogëlojë shanset tuaja për të zhvilluar mungesë të vitaminës D.
Përveç që kontribuojnë në plakjen e parakohshme të lëkurës, sapunët gjithashtu mund të ndërhyjnë në thithjen e vitaminës D. Lëkura jonë e kthen energjinë e diellit në vitaminë D dhe disa specialistë të kujdesit shëndetësor rekomandojnë të bëni dush më rrallë, pasi mund të prishë ekuilibrin e lëkurës dhe të lajë pak nga vitamina D. Sidoqoftë, shumë në komunitetin mjekësor besojnë se vitamina D mbetet në lëkurë edhe pas dushit./e.b-abcnews.al
