Siç raportojnë shumë studime, ekspozimi i vazhdueshëm i celularit ndaj temperaturave të larta shkakton disa dëme. Por si ta mbrojmë telefonin nëse e lëmë në diell për disa orë? Gjatë kohës që është duke punuar, celulari lëshon shumë nxehtësi, në të gjitha stinët e vitit.
Sidomos kur po karikohet. Problemi bëhet më i madh me rritjen e temperaturës. Nëse i kalon 35 gradë, procesori i telefonit funksionon më ngadalë dhe në disa raste ngrin. Disa telefona fiken vetë në përpjekje për t’u ftohur dhe ndizen vetëm kur të jenë gati për t’u përdorur në mënyrë të sigurt.
Bateria gjithashtu mund të dëmtohet, pasi nxehet dhe bëhet e vështirë për të funksionuar, duke konsumuar më shumë energji. Në fund të fundit, në një ditë me diell në plazh, ekrani funksionon me 100% ndriçim, kështu që gjithashtu konsumon fuqinë e tij.
Ka shumë mënyra të thjeshta për ta mbrojtur atë. Nëse jeni në makinë, është më mirë ta mbani gjithmonë në një vend me hije dhe afër kondicionerit. Është më mirë të shmangni përdorimin e tij gjatë karikimit, pasi konsumon më shumë energji.
Është një ide e mirë të mbyllni aplikacionet ose veçoritë që nuk i përdorni gjatë gjithë kohës, si GPS ose vendndodhjen tuaj. Në këtë mënyrë celulari konsumon më pak energji dhe prodhon më pak nxehtësi.
Nëse e kuptojmë se celulari ynë është nxehur shumë, do të ishte mirë ta mbyllim për disa minuta, ta vendosim në hije sepse përndryshe, dëmtimi që do të pësojë mund të jetë i përhershëm dhe jo i riparueshëm. /abcnews.al
