Gjykata e qytetit të Moskës do të mbajë një seancë paraprake më 31 maj në një çështje të re penale kundër kritikut të burgosur të Kremlinit, Alexei Navalny, me akuza që përfshijnë nxitje ndaj ekstremizmit.
Navalny tha në prill se kundër tij ishte hapur një rast “absurd” terrorizmi që mund ta dënonte atë me 30 vjet të tjera burg.
Udhëheqësi i opozitës po vuan tashmë dënime të kombinuara prej 11 vjet e gjysmë për mashtrim dhe përbuzje të gjykatës në një burg të sigurisë maksimale, megjithëse insiston se akuzat ndaj tij ishin të sajuara për t’i mbyllur gojën. Organizatat që lobojnë për të dhe Fondi i tij kryesor Kundër Korrupsionit janë ndaluar në Rusi, duke u konsideruar “ekstremiste”.
Akuzat kundër Navalny lidhen me 6 nene të ndryshme të kodit penal rus, duke përfshirë ato për “rehabilitimin e nazizmit”, “organizimin e një komuniteti ekstremist”, “thirrjepublike për veprimtari ekstremiste”, si dhe nxitjen e qytetarëve për të shkelur ligjin, thuhet në dokumentat e gjykatës.
/abcnews.al
