Bregdeti i Darëzezës është gati për të pritur turistët gjatë kësaj vere. Kryebashkiaku Armando Subashi tha se perla e pashfrytëzuar e Adriatikut, pret dyfishim të turistëve ndërsa hapi më i rëndësishëm është hartimi i një masterplani për zhvillimin e qëndrueshëm të turizmit qe parashikon ndërtimin e hoteleve e bizneseve bashkëkohore në zonë.
Aktualisht 61 operatorë turistikë ushtrojnë aktivitetin përgjatë vijës bregdetare Darëzesë – Seman këtë verë .
Subashi tha gjithashtu se sipërfaqja e rërës kurative te plazheve te fierit do të shfrytëzohet 40 % si hapësirë publike dhe pjesa tjetër për privatët. Nga ana e bashkisë do të mundësohen investime për përmirësimin e infrastrukturës rrugore dhe ujësjellësit për të siguruar ujin e pijshëm.
sezoni turistik 2025 është çelur zyrtarisht dhe “ Festa e Valëve” ka mbledhur në Darzezë shumë qytetarë në një koncert artistik me kënge e valle të trevës së Myzeqesë.
/abcnews.al/
