Tottenham duket se e ka gjetur zëvendësuesin ideal të Christian Eriksen, kur danezi të largohet. 27-vjeçari ishte shumë afër transferimit te Reali këtë verë, ndërkohë që Manchester United dhe Juventus monitoronin situatën.
Kapiteni i kombëtares së Danimarkës është në vitin e fundit të kontratës dhe e ka deklaruar se po kërkon sfida të reja. Nga ana tjetër edhe Tottenham e ka gjetur ‘regjisorin’ e ri për skuadrën. Bëhet fjalë për fantazistin e Realit, Isco Alarcon.
Spanjolli nuk po kalon një periudhë të mirë këtë sezon, duke nisur vetëm një ndeshje si titullar nën drejtimin e Zidane. Transferimi i Eriksen në Madrid do ta komplikonte akoma dhe më shumë situatën e Iscos. Sipas “El Desmarque”, në janar mund të kemi një shkëmbim mes dy lojtarëve. /abcnews.al
