Loading ...
Një anije turistike me 238 pagjerë ngeci në rrjedhën e Danubit në Bullgari.
Arsyeja e incidentit erdhi për shkak të nivelit të ulët të ujit.
Policia kufitare bullgare evakuoi fillimisht 186 turistët e anijes që mbantë emrin “Viking Ulur”, e cila pasi ngeci u mbush me ujë.
Në bord kishte edhe 52 anëtarë të ekuipazhit.
Anija, e cila lundron nën flamurin zviceran, njoftoi autoritetet lokale për incidentin pasditen e 28 korrikut, në kilometrin 817 të Danubit, afërsisht 25 kilometra nga porti më i afërt.
Për shkak të pamundësisë për të vazhduar lundrimin, anija mbeti pa furnizime me ushqim dhe ujë.
Agjencia e udhëtimit u përpoq të siguronte një varkë tjetër për të transportuar ushqimet, por nuk mundi të arrinte te anijen e bllokuar.
Drejtori i Agjencisë Ekzekutive për Kërkimin dhe Mirëmbajtjen e Lumit Danub, Ivelin Zanev, tha se thellësia e anijes ishte 1.70 metra, ndërsa thellësia e rrugës ujore ishte rreth 1.90 metra.
Pas evakuimit, pasagjerët u transportuan në një aeroport në Rumani.
Niveli i ujit të Danubit në disa vende në pjesët bullgare dhe rumune të lumit, si dhe përgjatë gjithë rrjedhës së tij, është ulur në mënyrë kritike, duke e bërë të vështirë lundrimin.
Ai ka një gjatësi prej rreth 2,850 kilometrash dhe është një nga rrugët ujore më të rëndësishme të Evropës për transportin, tregtinë dhe lundrimin.
