Presidenti i UEFA-s, Aleksander Ceferin kritikoi Real Madridin për pjesëmarrjen në projektin e Superligës.
Në platformën Apple+ u publikua seria e dokumentarëve War for Football, kushtuar krijimit të Superligës. Seriali, i përbërë nga 4 episode, tregon për ngjarjet e prillit 2021, kur u shpall projekti për një turne të ri evropian për klube.
“Ka shumë peshkaqenë që notojnë në detin e futbollit. Që në momentin që dëgjova për herë të parë për Superligën, e dija se kush do ta drejtonte atë.
Ata e shohin veten si një klub elitar që nuk duhet të kujdeset për askënd tjetër. Sepse janë aq të rëndësishme sa të gjithë duhet të përkulen para tyre. Bëhet fjalë për Real Madridin dhe presidentin e tij Florentino Perez”, tha Ceferin. /G.D abcnews.al/
