Tucker Carlson ka mbrojtur vendimin e tij për të mos marrë në pyetje Vladimir Putin në intervistën e tij ditë më parë në lidhje me akuzat se presidenti rus urdhëroi vrasjen e kundërshtarëve të tij politikë.
“Çdo lider vret. Disa më shumë se të tjerët”, u përgjigj ish-prezantuesi i Fox Neës.
I pyetur pse nuk e pyeti Putinin për liderin e burgosur të opozitës Alexei Navalny, vrasjet e dyshuara politike të synuara ose përjashtimin e kundërshtarëve të presidentit rus nga zgjedhjet presidenciale të marsit, Tucker u përgjigj: “Unë nuk fola për atë që është çdo media tjetër amerikane është duke folur.
Sepse të gjitha këto çështje janë të mbuluara dhe sepse kam kaluar gjithë jetën time duke folur me liderë të vendeve të ndryshme dhe kam arritur në përfundimin se çdo lider vret njerëz, përfshirë edhe veten time.
Disa vrasin më shumë se të tjerët. Udhëheqja kërkon vrasjen e njerëzve. Më vjen keq, kjo është arsyeja pse nuk do të doja të isha lider”, tha Carlson. Tucker Carlson tha se mendonte se Putin mund të ishte i gatshëm të diskutonte një marrëveshje të mundshme për t’i dhënë fund luftës në Ukrainë.
“Udhëheqësit e çdo vendi në këtë planet, përveç ndoshta Shteteve të Bashkuara në këtë periudhë unipolare, janë të detyruar nga natyra e punës së tyre të bëjnë kompromis. Kjo është diplomaci. Dhe Putini është mes atyre udhëheqësve të gatshëm për kompromis”, theksoi ai.
/abcnews.al
