Real Madrid pësoi mbrëmjen e djeshme një humbje shokuese në transfertën e Real Betis. Vendasit fituan me rezultatin 2-1, duke i bërë kështu një dhuratë Barcelonës në garën për titullin kampion. Në kampin madrilen lojtarët e pranojnë humbjen, madje mesfushori Casemiro mendon se kjo humbje mund të jetë fatale për sa i përket kreut të La Ligës.
“Nëse ne duam të fitojmë kampionatin duhet të luajmë mirë në çdo ndeshje. E përgëzoj kundërshtarin për lojën e zhvilluar dhe e vetmja gjë që mund të bëjmë është që të ulim kokën dhe të vazhdojmë të punojmë më shumë. Në ndeshjen kundër Barcelonës luajtëm ndryshe. Kjo humbje mund të na shkaktojë titullin, por duhet t’i marrim ndeshjet një nga një”, deklaron braziliani.
Barcelona bëri detyrën ditën e shtunë kundër Real Sociedadit dhe tashmë e shikon veten në vendin e parë në La Liga. Katalanasit kanë 58 pikë, një pikë më shumë se madrilenët të cilët renditen në vendin e dytë. Deri në fundin e kampionatit janë dhe 11 ndeshje për tu zhvilluar dhe pritet për tu parë se si do shkojë dueli mes dy klubeve spanjolle. /abcnews.al
