Carlo Ancelotti me shumë mundësi do të jetë trajneri i Real Madrid. Florentino Perez ka vendosur të emërojë italianin, i cili është nën kontratë me Everton aktualisht, por shpejt pritet të vijë ndarja.
Në Madrid kanë vendosur të sjellin dikë që e njeh ambientin dhe filozofinë e klubit, për të mos ja nisur nga e para me një trajner të ri, me kërkesa të ndryshme dhe vështirësi përshtatje.
Me të marrë vesh lajmin, spanjollja AS hapi një sondazh virtual dhe mund të themi se tifozët e Real Madrid janë pro rikthimit të Carlo Ancelottit në krye të skuadrës.
Brenda pak orësh në sondazh kanë mbi 40 mijë tifozë dhe 66% e tyre kanë votuar pro rikthimit të Ancelottit, me të cilin fituan Champions League në vitin 2014. /abcnews.al
