Paulo Dybala ende nuk e ka marrë veten dhe këtë sezon hapësirat i ka pasur të paktë. Argjentinasi është një nga lojtarët e shumtë që e ka kaluar koronavisurin, madje i është dashur të luftojë për një kohë të gjatë derisa u rikthye të stërvitej me skuadrën.
Dybala akoma nuk e ka kapur formën fizike dhe në lidhje me sulmuesin e Juventusit ka folur edhe Fabio Capello, në një intervistë të dhënë për “Gazzetta dello Sport”. “Shpjegimi i gjithë kësaj është Covid-i.
Virusi ka lënë pasoja për të gjithë e për më tepër për një lojtar si Dybala, i cili ka nevojë të jetë në maksimum që të shprehet më së miri. Për të gjetur formën më të mirë i duhet të kthehet në 100 për qind fizikisht.
Dybala ngjan me Savicevic, edhe pse argjentinasi është më i mirë në finalizim dhe më pas në asistimin e shokëve të skuadrës. Me kë do e shkëmbeja? Nuk më pëlqen kjo, por nëse do të duhet të përgjigjem, shikoj nga Anglia dhe mendoj për Harry Kane”. /abcnews.al
