Fatmirësisht Milani një ditë më parë fitoi me përmbysje kundër Genoa-s, në një ndeshje që pati shumë zhvillime. Plot katër kartonë të kuq të marrë, dy prej tyre jashtë fushës së blertë. Davide Calabria nga Milani u ndëshkua dhe ka vendosur rekord.
Mbrojtësi i kuqezinjve është bërë i vetmi lojtar në “Top-5” ligat europiane që ka marrë dy kartonë të kuq deri më tani. Sigurisht një tregues jo për t’u krenuar për Calabria, i cili është një produkt i Milanit dhe këtë sezon është aktivizuar në gjashtë ndeshje si titullar.
Mbrojtësi 22-vjeçar e ka marrë kartonin e parë të kuq në ndeshjen kundër Hellas Verona, në minutën e 94-t. Ndaj Genoa-s u ndëshkua me të verdhin e dytë në të 79’ dhe e la Milanin me një lojtar më pak. /abcnews.al
2 – Davide Calabria is the only player of the Top-5 European Leagues 2019/20 to have already received 2 red cards. Thoughtless. #GenoaMilan.
— OptaPaolo ? (@OptaPaolo) October 5, 2019
