Ndryshimet klimatike janë kthyer në një risk për sektorin bujqësor. Për të mbeshtetur bujqësinë në vendin tonë Banka Botërore do të investojë në disa drejtime rreth 70 milionë euro. Nga Divjaka ku nisi zbatimin ky projekt Ministrja e Bujqësisë Anila Denaj tha se në vëmendje do të jetë ujitja e kullimi dhe strukturat laboratorike.
Përfaqësuesi Bankës Botërore theksoi se Shqipëria është një vend i rrezikuar nga ndryshimet klimatike.
“Programi do të mbështesë modernizimin e ujitjes dhe kullimit ,modernizimi tregjeve,monitorimin e prodhimit apo ngritjen e kapaciteteve institucionale që do ndihmojnë Shqipërinë drejt integrimit.Ndryshimet klimatike të rrezikshme për bujqësine e ekonominë. Shqipëria është e ekspozuar ndaj rreziqeve të përmbytjeve apo thatësirave.”
Projekti iBankës Botërore mbi ”Qëndrueshmërinë Klimatike dhe Zhvillimin e Bujqësisë” në Shqipëri ka 3 komponente sistemin e ujitjes dhe kullimit,ngritjen e 5 markatave si dhe një platforme teknologjike për orientimin e fermerëve për mbjelljen e bimëve sipas llojit të tokës./abcnews.al
