“Budallai që belbëzoi në Oscar”, Trump ngatërron Jimmy Kimmel me Al Pacino

Donald Trump po kritikohet nga përdoruesit e rrjeteve sociale pasi ngatërroi prezantuesin Jimmy Kimmel me Al Pacinon.

Në fillim të kësaj jave në “Jimmy Kimmel Live”, moderatori i talk show-t kritikoi ish-presidentin amerikan duke folur për paratë që dyshohet se ka paguar yllin e filmave për të rritur Stormy Daniels, duke e cilësuar si një “shpenzim legjitim”.

Trump iu përgjigj menjëherë Kimmel me postime në mediat sociale, por në përpjekje për ta bërë këtë, ai ngatërroi moderatorin e Oscars me legjendën e aktrimit Al Pacino.

“Budallai Jimmy Kimmel, i cili ende nuk e ka marrë veten nga performanca e tij e tmerrshme si moderator i Çmimeve të Akademisë. Ai harroi të thoshte frazën e famshme dhe të detyrueshme, “dhe fituesi është”. Në vend të kësaj, ai belbëzoi ndërsa hapi zarfin.

Ai u fut në historinë e televizionit si prezantuesi më i keq i Çmimeve të Akademisë”, tha ish presidenti amerikan.

Por Kimmel nuk ishte ai që dha çmimin për filmin më të mirë, por Al Pacino.