Nuk ishte ndeshja që pritej prej tij, por sërish ia doli. Kyrie Irving e kishte torturuar Bostonin në sfidat e kaluara me 77 pikë të shënuara në 67 minuta, por këtë herë gaboi shumë edhe pse fitorja u arrit.
Ylli me numrin 11 gaboi 15 nga 19 gjuajtjet nga loja, përfshirë edhe të 6 gjuajtjet për tri pikë, por sërish iu afrua një triple-double në suksesin e Brooklyn 109-105. Irving shënoi 15 pikë, kapi 9 topa në tabela, shërbeu 11 asiste, bëri 4 vjedhje topi dhe 1 bllokim gjuajtjeje duke qenë shumë aktiv.
Jo Harris, Jeff Grin, Broos Brown dhe Blake Griffin mbajtën në këmbë skuadrën në mungesë të dy yjeve kryesorë, Kevin Durant dhe James Harden, që të dy të dëmtuar. Bostonit nuk i mjaftoi prova e madhe e yllit Jayson Tatum, që realizoi 38 pikë dhe kapi 10 topa në tabela.
Pavarësisht mungesave të rëndësishme, Brooklyn po vazhdon sukseset dhe u ngjit sërish në krye të Konferencës Lindore me 40 fitore e 20 humbje, kur duhen edhe 12 ndeshje deri në fund të sezonit të rregullt.
Gara për kreun në Lindje është shumë e fortë, në konkurrim me Philladephia dhe Milëaukee, ndërsa konkurrenca për titullin do të jetë edhe me skuadrat e Perëndimit si Utah Jazz, Fenix, Clippers, Denver apo Lakers. /abcnews.al
