Britania e Madhe disa orë në kaos, shkak ndërprerja e energjisë

Britania e Madhe është përfshirë të premten në kaos për shkak të ndërprerjes së energjisë. Pjesa më e madhe e Londrës dhe disa qytete të tjera si Liverpool, Glasgoë, Uells, dhe Manchester kanë qëndruar për disa orë në errësirë. Ndërpreja e energjisë elektrike ka prekur linjat e transportit dhe semaforët duke shkaktuar kaos kombëtar në të gjithë vendin. Trenat u vonuan dhe u anuluan në të gjithë Anglinë dhe Uellsin, dhe semaforët në Londër pushuan së funksionuari. Ndërkohë, qindra mijëra njerëz janë prekur nga ndërprerja e madhe e energjisë edhe në shtëpitë e tyre. Autoritetet thanë se ndërprerja e energjisë ishte shkaktuar nga një problem me dy gjeneratorë të energjisë dhe se defekti është rregulluar./ABC News Albania 24/7