Burimi kryesor i prodhimit të elektricitetit në Britani ka qenë energjia e erës përgjatë vitit 2024. Sipas të dhënave të publikuara këtë të martë, u kalua për herë të parë energjia e prodhuar nga centralet me gaz.
Britania ka pothuajse 15 gigavat (GW) kapacitet të instaluar të energjisë nga era dhe ka për qëllim ta katërfishojë këtë kapacitet në 60 GW deri në vitin 2030, si pjesë e planeve për të dekarbonizuar kryesisht sektorin e saj të energjisë deri atëherë.
“Së pari, era ishte burimi më i madh i prodhimit të energjisë elektrike në vitin 2024, duke përbërë 30% të totalit,” tha Operatori i Sistemit Kombëtar të Energjisë (NESO).
Sipas raporteve të fundit, energjia e rinovueshme nga era do të kalojë burimet tradicionale të energjisë, si gazi dhe qymyri, për t’u bërë më e madhja në përbërjen e energjisë elektrike të vendit. Ky zhvillim është pjesë e një trendi të gjerë të rritjes së kapaciteteve të energjisë nga burime të rinovueshme, ndërsa Britania e Madhe po vazhdon përpjekjet e saj për të reduktuar emetimet e karbonit dhe për të arritur objektivat e saj për klimën. / abcnews.al
