Jared Kushner pretendon se ai mund të jetojë përgjithmonë falë ushtrimeve dhe përparimeve në shkencën mjekësore. Dhëndri i ish-presidentit Donald Trump ndau mendimin e tij gjatë një interviste të enjten, duke deklaruar se ai po qëndronte në formë me shpresën se mund ta ndihmonte atë ‘të jetonte përgjithmonë’.
Kushner shpjegoi se ai e ka bërë ushtrimin një prioritet që kur u largua nga Shtëpia e Bardhë, ku shërbeu si këshilltar i vjehrrit të tij. “Unë mendoj se ka një probabilitet të mirë që brezi im të jetë – shpresojmë me përparimet në shkencë – ose do të jetë brezi i parë që do të jetojë përgjithmonë ose brezi i fundit që do të vdesë. Kështu që ne duhet të mbajmë veten në formë mjaft të mirë”, tha ai.
Megjithatë, një burim i afërt me Kushner ka pohuar se komentet nuk duheshin marrë seriozisht. Duke folur për The Daily Beast, burimi i paidentifikuar tha: “Është si një shaka të theksosh se ai dëshiron të stërvitet dhe të jetë në formë të mirë, sepse njerëzit jetojnë më gjatë”.
Pavarësisht kësaj, Kushner e ka gjetur ende veten në qendër të talljeve në internet pasi një pjesë e transmetimit të drejtpërdrejtë u shpërnda në Tëitter. Një përdorues bëri shaka: “A po na thotë Kushner se është një robot pa na thënë se ai është një robot?”/abcnews.al
