Pas zgjidhjes së disa çështjeve të mbetura pezull të konkurrencës së ndershme, negociatorët diskutuan mbi të drejtat e peshkimit të BE-së në ujërat e Mbretërisë së Bashkuar për të siguruar një marrëveshje të përkohshme për një marrëdhënie postBrexit pas nëntë muaj bisedimesh.
Pra një progres i rëndësishëm është bërë në negociatat tregtare postBrexit midis Bashkimit Europian dhe Britanisë së Madhe, thanë sot burime të shumta europiane.
“Tani jemi në fazën përfundimtare”, tha një zyrtar i BE-së.
“Pas muajsh bllokimi dhe vetëm shumë pak përparim, palët negociuese po i afrohen një marrëveshje”, shtoi ai.
Sipas këtyre burimeve, duket se çështja e konkurrencës së ndershme midis dy partnerëve tregtarë është zgjidhur. E vetmja mosmarrëveshje e mbetur është ajo e peshkimit, por sipas raportimeve BE dhe Britanisë po i afrohen një marrëveshjeje.
Që prej largimit zyrtarisht nga BE-ja më 31 janar, Britania menjëherë hyri në një periudhë tranzicioni ekonomik 11-mujor, duke u dhënë kohë negociatorëve për të arritur një marrëveshje të tregtisë së lirë për të lehtësuar daljen e saj nga tregu i vetëm dhe bashkimi doganor në fund të këtij viti.
Negociatorët po përpiqen të arrijnë një marrëveshje që do të siguronte që tregtia vjetore e mallrave mes dy palëve, me vlerë gati 1 trilion dollarë, të vazhdonte të ishte e përjashtuar nga tarifat dhe kuotat.
Britania po bën thirrje për vendosjen e kuotave për anijet e BE-së në ujërat britanike ndërsa burime nga të dyja palët kanë raportuar përparim në bisedime.
Një diplomat i BE-së tha se negociatorët më parë kishin arritur një kompromis mbi shqetësimet e BE-së se Britania do të dobësonte rregullat e ndihmës sociale, mjedisore dhe shtetërore të bllokut për të fituar një avantazh të padrejtë me eksportet e saj në BE. Britania thotë se rregullat e BE-së do të shkelnin sovranitetin e saj.
Është e paqartë se si do të zhvillohej tregtia mes të palëve nëse nuk arrijnë të përmbushin afatin e fundit me 1 janar./abcnews.al
