Postimi i Erion Braçes në faqen e tij zyrtare në Instagram, nuk është pritur aspak mirë nga dy futbollistët e Superiores, Tefik Osmani (Tirana) dhe Ditmaj Bicaj (Bylis). Braçe publikoi në faqen e tij një titull të Tuttosport, të një lajmi për Juventusin.
I menjëhershëm reagimi i dy futbollistëve shqiptarë, që duan të dinë sa më shpejt çfarë do të bëhet me ta dhe zv. Kryeministri, të mos merret me Juventusin. Tefik Osmani shkroi: “Erion Braçe, me ne futbollistët shqiptarë çfarë do të bësh? 99% janë të varfër. Te Pjanic dhe Arthur ju leh qeni i shtrirë?”
Ndërsa mbrojtësi i Bylisit, Ditmar Bicaj, ka ri-postuar foton e Osmanit, duke shtuar: “Tefik Osmani, po ju çfarë mendimi keni? Se qeveria jonë i qan hallin Juventusit”./abcnews.al
