Loading ...Ulet norma e interesit në Bashkimin Europian.Banka Qendrore Evropiane uli me 0.25% normën bazë të interesit, duke e zbritur atë në 2.75%. Një vendim i tillë ishte i pritshëm dhe ishte paralajëmruar më herët nga ekspertët si një masë për të nxitur ekonominë në vendet e eurozonës.Vendet e Bashkimit Europian po përballen me një rritje të dobët ekonomike dhe BQE po has vështirësi për të vënë nën kontroll inflacionin
Inflacioni i Eurozonës u rrit për të tretin muaj rradhazi në dhjetor, duke arritur në 2.4%, pasi kishte rënë nën objektivin e BQE-së prej 2% në muajt e mëparshëm.
Ndërkohë që ekonomia rezulton se është rritur me vetëm 0.1% në fund të vitit fundit të vitit 2024.
Ky vendim për uljen e normave të interesit bën të mundur uljen e “kostos së huamarrjes së re për bizneset dhe familjet” në bashkimin europian.Por një vendim i tillë ka efekte poztive edhe në ekonominë shqiptare pasi ndikon në uljen e interesave për kreditë në euro.
Presidentja e Bankës Qendrore Evropiane, Christine Lagarde, tha se ekonomia e eurozonës pritet të mbetet e dobët në afatin e afërt ndërsa vuri në dukje gjithashtu erërat e kundërta të vazhdueshme për ekonominë.
Në Shtetet e Bashkuara, Rezerva Federale e SHBA la të mërkurën normat e interesit të pandryshuara , në përputhje me pritjet./abcnews.al
