Qeveria suedeze ka paralajmëruar familjet dhe kompanitë që të përgatiten për ndërprerje të mundshme të energjisë këtë dimër.
“Rreziku i ndërprerjeve të energjisë elektrike është i vërtetë dhe suedezët duhet të përgatiten,” tha Ministri i Mbrojtjes Civile Karl-Oscar Bolin në një konferencë për shtyp. “Suedia nuk ka qenë kurrë në këtë situatë,” tha ai.
Çmimet e energjisë janë rritur këtë vit mes frikës se shkurtimet në eksportet e gazit rus në Europë do të çojnë në mungesa, dhe qeveria suedeze në fillim të këtij muaji u kërkoi qytetarëve të kursejnë energjinë elektrike.
Rekomandimet zyrtare përfshijnë mbajtjen e një radioje me bateri, elektrik dore, ujë dhe ushqime që konsumohen lehtësisht. Në rast ndërprerjeje, familjet duhet të kenë një dhomë ku familja mund të qëndrojë për t’u ngrohur, tha ministri. “Është më mirë të jesh i përgatitur. Nuk po përpiqemi t’ju shqetësojmë”, tha ministri.
Qeveria suedeze tha javën e kaluar se i kishte kërkuar operatorit kombëtar të rrjetit elektrik dhe rregullatorit të energjisë të vendit që të rrisin punën e tyre për të forcuar sigurinë e energjisë elektrike në afat të shkurtër dhe afatgjatë.
/abcnews.al
