Aleatët perëndimorë po përgatiten t’i ofrojnë Ukrainës një sërë garancish sigurie, të cilat duhet ta bëjnë vendin “të padepërtueshëm” ndaj një pushtimi të ardhshëm rus, ka thënë Boris Johnson, raporton Press Association.
Kryeministri britanik gjatë vizitës së tij të fundit në fundit në Indi tha se është thelbësore të rritet mbështetja e menjëhershme ushtarake për kryeqytetin ukrainas, Kiev. Ai paralajmëroi se ekziston një mundësi reale që konflikti mund të zvarritet për një periudhë të gjatë.
Johnson theksoi se Britania po kërkon të dërgojë tanke në Poloni, në mënyrë që T-72 të epokës sovjetike, me të cilat ekuipazhet ukrainase janë të njohur, të mund t’i lëshohen qeverisë në Kiev.
Por, duke folur në kryeqytetin indian, Nju Delhi, ndërsa ishte në një vizitë, Johnson tha se një vizion afatgjatë për Ukrainën në “arkitekturën e sigurisë” të Evropës së ardhshme duhet gjithashtu të zhvillohet.
Ndërsa ai tha se nuk do të jetë njësoj si garancia e Nenit 5 të NATO-s, në të cilën një sulm ndaj një shteti anëtar të aleancës ushtarake të udhëhequr nga SHBA konsiderohet të jetë një sulm ndaj të gjithë anëtarëve, ai shpreson se do të ofronte frenim.
“Ajo që duan ukrainasit dhe unë mendoj se tani do të marrin është një koleksion garancish nga vendet me të njëjtin mendim se çfarë mund të bëjmë për t’i mbështetur ata me armatim, me trajnime dhe me shkëmbimin e inteligjencës.
Shpresoj se do t’u mundësojë ukrainasve të ofrojnë frenim që territori i tyre të jetë aq i fortifikuar sa të jetë i padepërtueshëm ndaj sulmeve të mëtejshme nga Rusia. Kjo është ajo që ne duhet të bëjmë”, tha Johnson. g.v/abcnews.al
