Forcat ruse nisën sulme të reja masive ajrore në Kiev dhe pjesë të tjera të Ukrainës këtë mëngjes, duke nxitur forcat e armatosura polake të rrisin nivelin e tyre të gatishmërisë përballë aktivitetit të shtuar ushtarak pranë kufirit të tyre.
Sipas Sergei Popko, kreu i administratës ushtarake të Kievit, ushtria ruse sulmoi kryeqytetin ukrainas duke përdorur raketa lundrimi të lëshuara nga bombarduesit strategjikë Tu-95MS.
There's about 60,000 people in Kyiv metro stations right now while Russian missiles attempt to hit the city. pic.twitter.com/udGmtPxwYg
— Jay in Kyiv (@JayinKyiv) March 24, 2024
Mbrojtja ajrore ukrainase “rrezoi rreth 10 raketa armike mbi Kiev dhe në periferi të kryeqytetit”, tha Popko në një postim në faqen e rrjetit social Telegram, duke sqaruar se sipas informacioneve paraprake nuk kishte viktima apo dëme. Sipas Popkos, sulmi u nis nga rajoni i Saratovit në Rusinë jugperëndimore. Për herë të tretë brenda një jave, i gjithë territori i Ukrainës u vu në alarm gjatë natës. Alarmi zgjati dy orë në kryeqytet, sipas Popkos.
Raketat ruse dhe dronët Shahed të prodhuar nga Irani u lëshuan gjithashtu në distriktin Stryi, në pjesën jugore të qytetit të Lviv, në Ukrainën perëndimore, sipas guvernatorit të distriktit me të njëjtin emër Maxim Kozytskyi.
“Objektivi ishte infrastruktura jetike”, tha kryebashkiaku i Lviv, Andriy Sandovy, i cili numëroi rreth 20 raketa dhe 7 dronë. Qyteti Stryi ndodhet rreth pesëdhjetë kilometra larg kufirit me Poloninë, një vend anëtar i NATO-s, i cili ka ngritur nivelin e gatishmërisë ndaj këtyre bombardimeve pranë territorit të tij.
Komanda operacionale e Forcave të Armatosura Polake (RSZ) njoftoi gjithashtu se “vëzhgoi aktivitet intensiv të aviacionit me rreze të gjatë të Federatës Ruse” gjatë natës, në lidhje me sulmet në Ukrainë./abcnews.al
