Anija gjigante e mallrave që bllokoi Kanalin e Suezit për gjashtë ditë me radhë në mars është lënë më në fund e “lirë” pas një marrëveshjeje kompensimi mes Egjiptit dhe pronarit japonez.
Anija, MV Ever Given, filloi të lëvizë në veri nga qyteti i kanalit qendror të Ismailia drejt Mesdheut mëngjesin e së mërkurës pasi mbeti e bllokuar për më shumë se 100 ditë.
Anija e ngarkuar me kontejnerë që peshon gati 200,000 tonë u fut në kanal gjatë një stuhie rëre më 23 mars, duke bllokuar kalimin nga Azia në Evropë, që mbart 10 për qind të tregtisë globale detare dhe pompon të ardhurat vitale në arkat e shtetit egjiptian.
ايفر جيفن تعود للابحار مجددا لتغادر قناة السويس #EverGiven #suezcanal pic.twitter.com/ecgM8ojyC2
— mohamed el kholy (@MElKholy) July 7, 2021
Egjipti e konfiskoi anijen pas një operacioni urgjent shpëtimi dhe kërkoi kompensim nga pronarët japonezë Shoei Kisen Kaisha për të ardhurat e humbura të kanalit, kostot e rikuperimit dhe dëmtimin e tij.
Autoriteti i Kanalit të Suezit (SCA) njoftoi të dielën se një marrëveshje përfundimtare ishte arritur pa zbuluar shumën e kompensimit që do të paguhej, por negociatat përfundimtare nisin nga një shifër prej 550 milionë dollarë. s.b/abcnews.al/
