Sekretari amerikan i Shtetit, Antony Blinken, ka përmendur Kosovën në deklaratën e tij për vdekjen e ish-sekretares amerikane, Madeleine Albright.
Blinken thotë se falë Albright SHBA-të i mbrojtën shqiptarët në Kosovë kundër agresionit serb.
Po ashtu, Blinkeni tha se sot, ka një shesh dhe një rrugë në Kosovë me emrin e Madeleine Albright, si dhe një statujë e saj është e vendosur në kryeqytet.
“Dhe falë saj jo pak, Polonia, Hungaria dhe Republika Çeke iu bashkuan NATO-s dhe Shtetet e Bashkuara mbrojtën shqiptarët etnikë në Kosovë kundër agresionit serb. Sot, ka një shesh dhe një rrugë në Kosovë me emrin Madeleine, dhe një statujë e saj qëndron në kryeqytet”, tha ndër tjerash Blinken.
“Madeleine Albright ishte një diplomate brilante, një udhëheqëse vizionare, një pioniere e guximshme, një mentore e përkushtuar dhe një person i madh dhe i mirë që e donte thellësisht Shtetet e Bashkuara dhe ia kushtoi jetën e saj shërbimit të saj. Ajo ishte gjithashtu një shoqe e mrekullueshme për shumë njerëz, përfshirë mua”, shtoi Blinken.
Kujtojmë se Madeleine Albright vdiq dy ditë më parë në moshën 84 vjeçare./Expreess/
