Bjellorusia dhe Polonia kanë thirrur të dyja ambasadorët e tyre përkatës pasi Polonia pretendoi të martën se dy helikopterë bjellorusë shkelën hapësirën e tyre ajrore.
Ministria e Jashtme e Bjellorusisë thirri të ngarkuarin me punë të Polonisë, Martin Wojciechowski për të mohuar akuzat pas “një kontrolli gjithëpërfshirës të kryer nga pala bjelloruse”, tha ministria në një deklaratë të mërkurën, shkruan CNN.
Zyrtarët bjellorusë thonë se kanë siguruar rrugën e fluturimit të helikopterëve për të vërtetuar se shkelja nuk ka ndodhur dhe i kanë kërkuar Polonisë që të mos përshkallëzojë situatën, sipas deklaratës.
Ministria e Jashtme e Bjellorusisë theksoi gjithashtu se “de-përshkallëzimi i situatës tashmë të komplikuar në marrëdhëniet dypalëshe ishte i mundur vetëm brenda kornizës së dialogut reciprok të respektueshëm dhe konstruktiv”, thuhet në deklaratë./abcnews.al
