Loading ...
Bizneset kanë vlerësime më optimiste për ecurinë e ekonomisë gjatë këtij viti edhe pse konflikti ne Lindjen e Mesme ka ngritur një sërë pikëpyetjesh.
Besimi në ekonomi ka shënuar rritje në muajin mars, pas dy muajve radhazi që vinte me rënie, por ky përmirësim është ndikuar vetëm nga një sektor.
Tregtia dhe shërbimet vijojnë të konsiderohen dy sektorët më me peshë në ecurinë ekonomike në vendit. Sipas Bankës së Shqipërisë treguesi i besimit në tregti u rrit me 7.6 për qind në mars. Kjo ecuri u ndikua si nga vlerësimet optimiste të bizneseve për ecurinë aktuale të shitjeve ashtu edhe nga pritjet e bizneseve për nivelin e punësimit në të ardhmen.
Kjo bëri që treguesi i besimit në ekonomi për marsin të shënojë rritje me 0.6 % për marsin e ndikuar direkt nga tregtia.
Ndërsa po afron sezoni turistik sektori i shërbimeve qëndron pothuajse në të njëjtin nivel duke pasur një luhatje të vogël me rreth 0.5% ecuria në këtë sektor u ndikua nga rënia e lehtë e vlerësimit të bizneseve për nivelin e kërkesës dhe ecurisë aktuale të biznesit të tyre.
Pritjet e bizneseve për çmimet në të ardhmen janë rishikuar ndjeshëm për lart këtë muaj.
Ndryshe nga të gjithë muajt e tjerë përgjatë marsit sektori i ndërtimit ka vlerësime pesimiste për ecurinë e aktivitetit të tyre.
Treguesi i besimit në ndërtim u ul me 4 % në mars ku ndikoi vlerësimi i bizneseve për
aktivitetin ndërtues dhe porositë aktuale ndërsa rritjet për çmimet në të ardhmen regjistruan rritje të theksuar këtë muaj.
Po ashtu edhe sektori i industrisë ka pësuar ulje ndikuar nga vlerësime më pak optimiste të bizneseve për prodhimin industrial si dhe për ecurinë e kontratave porositëse nga eksportet.
Edhe pritshmëritë e qytetarëve rezultuan më të ulëta krahasuar me disa muaj më parë.
