Loading ...
I dërguari për paqe i Donald Trump dhe Sekretari i tij i Shtetit do të shkojnë sot në Paris për bisedime me partnerët evropianë mbi të ardhmen e Ukrainës, ka njoftuar Departamenti i Shtetit.
Bisedimet do të zgjasin deri të premten, me Steve Witkoff dhe Marco Rubio që angazhohen aktivisht me udhëheqësit nga kontinenti, për çështjet në lidhje me luftën në Ukrainë.
“Sekretari i Shtetit, Marco Rubio dhe ambasadori Steve Witkoff do të udhëtojnë në Paris, Francë, nga 16-18 prill për bisedime me homologët evropianë për të çuar përpara qëllimin e presidentit Trump, për t’i dhënë fund luftës Rusi-Ukrainë dhe për të ndaluar gjakderdhjen”, thuhet në deklaratë.
“Ndërsa janë në Paris, ai do të diskutojë gjithashtu mënyrat për të avancuar interesat e përbashkëta në rajon”, u tha ndër tjera. Presidenti amerikan Donald Trump, që kur ka fituar mandatin e dytë është zotuar se do t’i japë fund luftës në Ukrainë.
