I dërguari amerikan Amos Hochstein do të udhëtojë në kryeqytetin libanez Bejrut të martën për bisedime mbi një armëpushim midis Hezbollahut dhe Izraelit, ka thënë një burim politik libanez për Reuters.
Media libaneze Zëri i Libanit raportoi gjithashtu vizitën, duke cituar anëtarin e parlamentit libanez Kassem Hashem.
SHBA i ka paraqitur një propozim të ri armëpushimi shtetit libanez me shpresën për të ndalur më shumë se një vit luftime. Hezbollahu ia dha përgjigjen e tij mbrëmë përfaqësuesit të tij negociues, kryetarit të Parlamentit Nabih Berri.
