Mbretëria e Bashkuar ka nevojë urgjente për një bibliotekë biobanke të mostrave të indeve njerëzore në mënyrë që ekspertët të mund të studiojnë dhe të gjejnë trajtime më të mira ose një kurë, për “tingëllimin në vesh”, tha Shoqata Britanike e Tringëllimeve. Më shumë se shtatë milionë të rritur në Mbretërinë e Bashkuar mendohet se kanë tringëllime në veshë.
Kjo gjendje stresuese dhe shqetësuese e dëgjimit të zhurmës, gumëzhimës ose tingujve të tjerë shumë të bezdisshëm pa burim të jashtëm është kuptuar keq. Për disa, bëhet e vështirë ose e pamundur të bëjnë një jetë normale. Një sondazh nga një shoqatë bamirëse e kryer në nëntor me 2,600 njerëz me tringëllime në veshë, sugjeron se pothuajse një në 10 që jeton me këtë gjendje ka përjetuar mendime për vetëvrasje ose vetëdëmtim në dy vitet e fundit raporton “BBC”.
Një në tre mendonte për gjendjen e tyre çdo orë, duke u shkaktuar atyre ankth dhe trishtim. Kirsty Stewart, nga Hampshire ishte 28 vjeç kur i’u shfaq tringëllimi në veshë. “Në fillim, tingëllonte si një kositëse bari. Mendova se ndoshta fqinjët po bënin lëndinën e tyre, por ata nuk ishin. Ishte vërtet e çuditshme”. Kirsty u përpoq ta shpërfillte, por tingulli ishte i vazhdueshëm dhe më pas ai ndryshoi në diçka edhe më shqetësuese për të.
“U bë një zhurmë e fortë kumbuese. Ishte aq e keqe dhe e fortë sa nuk mund t’i shpëtoja. Ishte e vazhdueshme. Ishte si torture”. Ajo tha se kjo pati një ndikim të madh në mirëqenien e saj. “Më rrëmbeu gjithë jetën. Unë ndalova së ngrëni, nuk u takova me miqtë dhe familjen dhe nuk ndihesha në gjendje të punoja sepse nuk mund të përqendrohesha”.
“U bëra aq keq sa fola me mamanë time sa nuk doja të isha më këtu. Isha kaq e dëshpëruar”. Shoqata Britanike e Tringëllimeve tha se njerëzit e tjerë me tringëllime në veshë ndajnë përvoja të ngjashme të të ndjerit të izoluar, të dobësuar dhe të stresuar. Kreu i Shoqatës Britanike të Tringëllimeve, David Stockdale, tha: “Ne e dimë se zhvillimi i kurave për çdo gjendje kërkon kohë dhe kështu ne duhet të bëjmë përparim në kërkimin e tringëllimeve në veshë”. / abcnews.al
