Shqipëria luan më 11 tetor, ora 20:45, kundër Turqisë në Stamboll, ndërkohë që së fundmi Federata Shqiptare e Futbollit ka njoftuar se të gjithë ata që duan të ndjekin këtë takim nga stadiumi, mund t’i blejnë biletat në Tiranë.
Biletat për sfidën e kualifikuese të EUEO 2020 do të shiten pranë dyqanit të FSHF, në rrugën e “Elbasanit”. Ato kushtojnë 700 lekë. Shitja nis prej ditës së premte, 4 tetor. Në njoftimin e bërë thuhet mes të tjerash se një person mund të blejë deri në pesë bileta.
Shqipëria është pjesë e grupit H në kualifikueset e Euro 2020 dhe mban vendin e katërt në renditje. Kuqezinjtë numërojnë 9 pikë të grumbulluara, gjashtë më pak se Turqia e Franca që mbajnë vendin e parë dhe të dytë. /abcnews.al
